تخمینی لاگت: تقریباً 14 تا 15 کروڑ روپے

مدرسہ صراط الجنہ کے طلبہ کی بہتر تعلیم، رہائش اور تربیت کے لیے ایک پانچ منزلہ جدید عمارت زیرِ تعمیر ہے، جس کی بنیادیں الحمدللہ مکمل ہو چکی ہیں۔اس عمارت میں طلبہ کے لیے الگ الگ تعلیمی شعبہ جات اور درسگاہیں، رہائشی سہولیات، کشادہ کلاس رومز، بڑے ہال نما کمرے، والدین سے ملاقات اور میٹنگز کے لیے مہمان خانہ و میٹنگ ہال، جدید طرز کا باورچی خانہ، وضو اور دیگر ضروری سہولیات شامل ہوں گی۔یہ عمارت اس انداز سے ڈیزائن کی جا رہی ہے کہ طلبہ کو ایک ہی تعلیمی ماحول میں رہائش، تعلیم، کھانے اور تربیت کی جامع سہولت حاصل ہو، تاکہ ان کی دینی و عصری تعلیم کے ساتھ بہترین اخلاق و کردار بھی پروان چڑھے۔یہ صرف ایک عمارت نہیں، بلکہ قرآن کے علم، کردار اور خدمت کے لیے ایک نسل کی تعمیر کا منصوبہ ہے۔